Telangana Live Telangana Live News and Views 24X7
కామారెడ్డి, ఫిబ్రవరి 9
నిజామాబాద్‌ న్యూస్‌ డాట్‌ ఇన్‌ : రంగారెడ్డి జిల్లా కోర్టు ప్రముఖ సీనియర్‌ న్యాయవాది, భిక్కనూరు వాస్తవ్యులు పెద్ద బచ్చ గారి రాంరెడ్డి సేవలు అభినందనీయమని కామారెడ్డి జిల్లా కోర్టు బార్‌ అసోసియేషన్‌ అధ్యక్షులు గజ్జల బిక్షపతి పేర్కొన్నారు. కామారెడ్డి బార్‌ అసోసియేషన్‌కు విచ్చేసిన సీనియర్‌ న్యాయవాది రామ్‌ రెడ్డిని బుధవారం కామారెడ్డి బార్‌ అసోసియేషన్‌ ఆధ్వర్యంలో అభినందించారు.
ఈ సందర్భంగా బిక్షపతి మాట్లాడుతూ రంగారెడ్డి జిల్లాలో, ఇటు జన్మభూమి కామారెడ్డి జిల్లాలో ఆయన చేస్తున్న సేవలు ఆదర్శనీయమని నేటితరం న్యాయవాదులకు ఆయన ఆదర్శప్రాయుడని పేర్కొన్నారు. ఈ సందర్భంగా సన్మాన గ్రహీత సీనియర్‌ న్యాయవాది పెద్ద బచ్చ గారి రామ్‌ రెడ్డి మాట్లాడుతూ న్యాయవాద వృత్తిలో కష్టాన్ని నమ్ముకుని ఈ స్థాయికి ఎదిగినట్లు తెలిపారు.
ఈ సందర్భంగా కామారెడ్డి న్యాయవాదుల సంక్షేమం కొరకు తక్షణ సాయంగా మూడు లక్షల రూపాయలను అందజేస్తున్నట్లు పేర్కొన్నారు. భవిష్యత్తులో మరింత సహకారం అందిస్తానని తెలిపారు. తన మాతృ బార్‌ అసోసియేషన్‌కు సహకారం అందించే అవకాశం ఇచ్చిన న్యాయవాదులకు కృతజ్ఞతలు తెలిపారు.
కార్యక్రమంలో సీనియర్‌ న్యాయవాదులు బోర్‌ రెడ్డి దామోదర్‌ రెడ్డి, నరసింహారెడ్డి, జగన్నాథం, నంద రమేష్‌, నిమ్మ దామోదర్‌ రెడ్డి, నరేందర్‌ రెడ్డి, సివి రమేష్‌ జోగుల గంగాధర్‌, శ్రీధర్‌, మాయ సురేష్‌, నరేష్‌ కుమార్‌, సూర్య ప్రసాద్‌, సీనియర్‌ న్యాయవాదులు, జూనియర్‌ న్యాయవాదులు, తదితరులు పాల్గొన్నారు.
