ఘోర రోడ్డు ప్రమాదం – దంపతుల మృతి

కామారెడ్డి, ఫిబ్రవరి 14

నిజామాబాద్‌ న్యూస్‌ డాట్‌ ఇన్‌ : కామారెడ్డి జిల్లాలో ఘోర రోడ్డు ప్రమాదం జరిగింది. దోమకొండ పెట్రోల్‌ పంపు వద్ద డీసీఎం వ్యాన్‌, ద్విచక్ర వాహనం ఢీకొన్నాయి. ఈ ఘటనలో ద్విచక్ర వాహనంపై వెళ్తున్న దంపతులు అక్కడికక్కడే దుర్మరణం చెందారు.

మృతులు రమేశ్‌ (46), సరస్వతి (38)గా గుర్తించారు. వీరి స్వస్థలం మెదక్‌ జిల్లా నిజాంపేట మండలం నష్కల్‌. సమాచారం అందుకున్న పోలీసులు సంఘటనా స్థలానికి చేరుకొని, మృతదేహాలను పరిశీలించారు. ఘటనపై కేసు నమోదు చేసుకొని దర్యాప్తు చేస్తున్నారు.