Telangana Live Telangana Live News and Views 24X7
డిచ్‌పల్లి, ఫిబ్రవరి 15
నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని ఎస్సీ, ఎస్టీ సెల్‌ డైరెక్టర్‌గా కంప్యూటర్‌ సైన్స్‌ విభాగానికి చెందిన అసిస్టెంట్‌ ప్రొఫెసర్‌ డా. భ్రమరాంబిక నియామకం పొందారు. అందుకు సంబంధించిన ఉత్తర్వులను ఉపకులపతి ఆచార్య డి. రవీందర్‌ ఆదేశానుసారం రిజిస్ట్రార్‌ కె. శివశంకర్‌ జారీ చేశారు.
డా. భ్రమరాంబిక ఇది వరకు పీజీ కాంఫిడెన్షియల్‌ అదనపు పరీక్షల నియంత్రణాధికారిగా, కాంపిటేటీవ్‌ సెల్‌ డైరెక్టర్‌గా, పబ్లికేషన్‌ సెల్‌ డైరెక్టర్‌గా, సిబిటి కో- ఆర్డినేటర్‌గా, కంప్యూటర్‌ సైన్స్‌ విభాగానికి పాఠ్యప్రణాళికా సంఘ చైర్మన్‌గా వివిధ అకడమిక్‌, పాలనాపరమైన బాధ్యతలు నిర్వర్తించారు.
తనపై నమ్మకంతో ఎస్సీ ఎస్టీ సెల్‌ డైరెక్టర్‌ బాధ్యతలను అప్పగించినందుకు వీసీ, రిజిస్ట్రార్‌లకు ప్రత్యేక కృతజ్ఞతలు తెలిపారు. డా. భ్రమరాంబికను పలువురు అధ్యాపకులు, అధ్యాపకేతరులు, విద్యార్థులు అభినందించారు.
