పార్ట్‌ టైం లెక్చరర్‌ పోస్టులకు నోటిఫికేషన్‌

డిచ్‌పల్లి, ఫిబ్రవరి 15

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని వివిధ విభాగాలలో పార్ట్‌ – టైం లెక్చరర్‌ పోస్టులకు ప్రధానాచార్యులు ఆచార్య సిహెచ్‌. ఆరతి నోటిఫికేషన్‌ విడుదల చేశారు.

హిందీ – 1, ఉర్దూ – 1, లా – 2, మాస్‌ కమ్యూనికేషన్‌ -2, ఎంబిఎ ఫైనాన్స్‌ – 1, బయో టెక్నాలజీ -1, బాటనీ – 1 సబ్జెక్టుల్లో పార్ట్‌ – టైం లెక్చరర్‌ పోస్టులకు శుక్రవారం సాయంత్రం 5 గంటల వరకు ప్రిన్సిపాల్‌, యూనివర్సిటీ కాలేజ్‌ ఆఫ్‌ ఆర్ట్స్‌ అండ్‌ సైన్స్‌, తెలంగాణ యూనివర్సిటి, డిచ్‌పల్లిలో దరఖాస్తు చేసుకోవాలని తెలిపారు.

ఆయా విభాగాల్లోని సబ్జెక్టుల్లో ఆయా పార్ట్‌ టైం పోస్టులకు పిహెచ్‌.డి., నెట్‌, సెట్‌ పరీక్ష ఉత్తీర్ణత తప్పని సరి అని, సంబంధిత సబ్జెక్టుల్లో అన్ని విద్య, ఉద్యోగార్హత ధ్రువపత్రాల నకలును జతచేయాలని కోరారు. పూర్తి వివరాల కోసం తెలంగాణ యూనివర్సిటీ వెబ్‌ సైట్‌ను సందర్శించాలన్నారు.