బాన్సువాడలో సిఎం పుట్టినరోజు వేడుకలు

బాన్సువాడ, ఫిబ్రవరి 17

నిజామాబాద్‌ న్యూస్‌ డాట్‌ ఇన్‌ : బాన్సువాడ పట్టణ కేంద్రంలో డీసీసీబీ చైర్మన్‌ భాస్కర్‌ రెడ్డి అధ్వర్యంలో సిఎం కెసీఆర్‌ పుట్టిన రోజు వేడుకలు ఘనంగా నిర్వహించారు.

ఇందులో భాగంగా గురువారం బాన్సువాడ పట్టణ తెరాసా కార్యాలయం దగ్గర ఉమ్మడి నిజామాబాద్‌ జిల్లా డీసీసీబీ చైర్మన్‌ పోచారం భాస్కర్‌ రెడ్డి కేక్‌ కట్‌ చేసి తెరాస పార్టీ సభ్యులకు శుభాకాంక్షలు తెలిపారు. అనంతరం ప్రభుత్వ ఆసుపత్రిలో ప్రజాప్రతినిధులు, నాయకులతో కలిసి మొక్కలు నాటారు.

కార్యక్రమంలో బాన్సువాడ మండల, పట్టణ ప్రజాప్రతినిధులు, నాయకులు, కార్యకర్తలు, తెరాస అభిమానులు పాల్గొన్నారు.