Telangana Live Telangana Live News and Views 24X7
కామారెడ్డి, ఫిబ్రవరి 21
నిజామాబాద్‌ న్యూస్‌ డాట్‌ ఇన్‌ : కామారెడ్డి అదనపు జిల్లా కోర్టులో స్టెనోగ్రాఫర్‌గా పనిచేస్తూ హైకోర్టులో కోర్టు మాస్టర్‌గా ఎంపికైన దామోదర్‌ రావుకు కామారెడ్డి జిల్లా కోర్టు బార్‌ అసోసియేషన్‌ ఆధ్వర్యంలో సోమవారం ఘనంగా సన్మానించారు. ఈ సందర్భంగా జిల్లా కోర్టు బార్‌ అసోసియేషన్‌ అధ్యక్షులు గజ్జెల బిక్షపతి మాట్లాడుతూ దామోదరరావు మరిన్ని ఉన్నత పదవులను చేపట్టాలని ఆకాంక్షించారు.
కార్యక్రమంలో అదనపు జిల్లా జడ్జి రమేష్బాబు, సీనియర్‌ సివిల్‌ జడ్జి శ్రీనివాస్‌, జూనియర్‌ సివిల్‌ జడ్జి స్వాతి మురారి మాట్లాడారు సన్మాన గ్రహీత దామోదర రావు మాట్లాడుతూ న్యాయమూర్తులకు, న్యాయవాదులకు కృతజ్ఞతలు తెలిపారు. కార్యక్రమంలో సీనియర్‌ న్యాయవాదులు, జూనియర్‌ న్యాయవాదులు, జుడిషియల్‌ ఎంప్లాయిస్‌, తదితరులు పాల్గొన్నారు. సన్మాన గ్రహీత దామోదరరావు బృందం నిర్వహించిన తబలా, ఆర్కెస్ట్రా కార్యక్రమం అందరినీ ఆకట్టుకుంది.
