గురుకులాల్లో చేరుటకు దరఖాస్తుల ఆహ్వానం

నిజామాబాద్‌, ఫిబ్రవరి 21

నిజామాబాద్‌ న్యూస్‌ డాట్‌ ఇన్‌ : రాష్ట్రంలోని ఏకలవ్య మోడల్‌ రెసిడెన్షియల్‌ గురుకులాల్లో 6వ తరగతిలో చేరేందుకు బాల, బాలికల నుండి దరఖాస్తులను స్వీకరిస్తున్నట్లు గిరిజన గురుకుల విద్యాలయాల సంస్థ రీజినల్‌ కోఆర్డినేటర్‌ టి.సంపత్‌ కుమార్‌ ఒక ప్రకటనలో తెలిపారు.

2021-22 విద్యా సంవత్సరంలో ప్రభుత్వ లేదా ప్రభుత్వ గుర్తింపు పొందిన పాఠశాలాల్లో 5వ తరగతి చదివిన విద్యార్థులు ఈ నెల 28వ తేదీ లోపు వెబ్‌ సైట్‌ ద్వారా దరఖాస్తు చేసుకోవాలని సూచించారు. రాష్ట్రంలోని అన్ని ప్రాంతాల విద్యార్థులు వీటిలో చేరడానికి అర్హులని పేర్కొన్నారు. ఉమ్మడి నిజామాబాద్‌ జిల్లాలో గాంధారి, ఇందల్వాయిలో ఏకలవ్య గురుకుల పాఠశాలలు కొనసాగుతున్నాయని వివరించారు.