ప్రారంభమైన బి.ఎడ్‌., ఎం.ఎడ్‌. పరీక్షలు

డిచ్‌పల్లి, ఫిబ్రవరి 22

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని అన్ని అనుబంధ కళాశాలలో గల బి.ఎడ్‌., ఎం.ఎడ్‌. కోర్సులకు చెందిన రెండవ సెమిస్టర్‌ థియరీ రెగ్యూలర్‌ పరీక్షలు మంగళవారం ప్రారంభమైనట్లు పరీక్షల నియంత్రణాధికారి ఆచార్య ఎం. అరుణ తెలిపారు.

బి.ఎడ్‌. రెండవ సెమిస్టర్‌ థియరీ రెగ్యూలర్‌ పరీక్షలకు మొత్తం 322 మంది నమోదు చేసుకోగా 307 హాజరు, 15 గైర్హాజరు అయ్యారని, ఎం.ఎడ్‌. రెండవ సెమిస్టర్‌ థియరీ రెగ్యూలర్‌ పరీక్షలకు మొత్తం 31 మంది నమోదు చేసుకోగా 29 హాజరు, ఇద్దరు గైర్హాజరు అయ్యారని ఆమె పేర్కొన్నారు. ఏ పరీక్షాకేంద్రంలో మాల్‌ ప్రాక్టీస్‌ జరుగలేదని ఆమె తెలిపారు.