Telangana Live Telangana Live News and Views 24X7
ఆర్మూర్‌, ఫిబ్రవరి 26
నిజామాబాద్‌ న్యూస్‌ డాట్‌ ఇన్‌ : ఆర్మూర్‌ పట్టణం బాలుర ఉన్నత పాఠశాలలో శనివారం ఆర్మూర్‌, బాల్కొండ, ముప్కాల్‌, మెండోర మండలాల పరిధిలోని బయోసైన్స్‌ కాంప్లెక్స్‌ ఉపాధ్యాయుల సమావేశం నిర్వహించారు. పాఠశాల ప్రధానోపాధ్యాయురాలు కవిత, కాంప్లెక్స్‌ ఇన్చార్జ్ నరహరి మాట్లాడుతూ 28 న జరగబోయే ‘‘సైన్స్‌ డే’’ సందర్భంగా ఉపాధ్యాయులు నిర్వహించే కార్యక్రమాల గురించి సైన్స్‌ ఎగ్జిబిట్స్‌, నమూనాలు, ప్రయోగాల ప్రదర్శన, క్విజ్‌ పోటీలు నిర్వహించాలని తెలిపారు.
తర్వాత రిటైర్‌ ఉపాధ్యాయులు కజింధం నరహరి, పోల్కం నారాయణలను సన్మానించారు. రాష్ట్రస్థాయికి ప్రాజెక్టులు ఎంపికైన హనుమండ్ల స్రవంతి, మాధవిలను వారి సేవలను కొనియాడుతూ శాలువా పూలమాలలతో సన్మానించారు. రిటైర్డ్‌ టీచర్‌ అనుభవాలను, గతస్మృతుల్ని, జ్ఞాపకాల్ని వివరించారు. కార్యక్రమంలో పాఠశాల ప్రధానోపాధ్యాయురాలు కవిత, కాంప్లెక్స్‌ ఇన్చార్జ్ నరహరి, డీఆర్పీలు బండారి శంకర్‌, సురేష్‌, సురేంధర్‌, మల్లేష్‌, రాజ్‌ కుమార్‌, చిల్క సాయిరామ్‌, శాంతి కుమార్‌, రాజేష్‌, చంద్ర ప్రకాశ్‌, శోభారాణి, రాజగంగారాం, భానుతేజ, దాస్‌, చిన్నయ్య, బాల గంగాధర్‌ తదితరులు పాల్గొన్నారు.
