ప్రశాంతంగా ప్రారంభమైన డిగ్రీ పరీక్షలు

డిచ్‌పల్లి, ఫిబ్రవరి 28

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని అన్ని అనుబంధ డిగ్రీ కళాశాలలో గల బి.ఎ., బి.కాం., బి.ఎస్సీ., బి.బి.ఎ. కోర్సులకు చెందిన మొదటి, మూడవ, ఐదవ సెమిస్టర్స్‌ రెగ్యూలర్‌, రెండవ, నాల్గవ, ఆరవ సెమిస్టర్‌ బ్యాక్‌ లాగ్‌ థియరీ పరీక్షలు సోమవారం ప్రశాంతంగా ప్రారంభమైనట్లు పరీక్షల నియంత్రణాధికారి ఆచార్య ఎం. అరుణ ఒక ప్రకటనలో తెలిపారు.

ఉదయం జరిగిన పరీక్షల్లో మొత్తం 8754 మంది విద్యార్థులు నమోదు చేసుకోగా 8292 మంది హాజరు, 462 గైర్హాజరు అయినట్లు ఆమె తెలిపారు. మధ్యాహ్నం జరిగిన పరీక్షల్లో మొత్తం 13671 మంది విద్యార్థులు నమోదు చేసుకోగా 12209 మంది హాజరు, 1462 గైర్హాజరు అయినట్లు ఆమె తెలిపారు. ఏ పరీక్షాకేంద్రంలో మాల్‌ ప్రాక్టీస్‌ జరుగలేదని తెలిపారు.