శివరాత్రి ఉత్సవాలకు ముస్తాబవుతున్న కామారెడ్డి వీక్లి మార్కెట్‌

కామారెడ్డి, ఫిబ్రవరి 28

నిజామాబాద్‌ న్యూస్‌ డాట్‌ ఇన్‌ : మహా శివరాత్రి సందర్భంగా బీజేపీ కామారెడ్డి అసెంబ్లీ నియోజకవర్గ ఇంచార్జి కాటిపల్లి వెంకట రమణా రెడ్డి ఆధ్వర్యంలో కామారెడ్డి పట్టణంలో నిర్వహించే శివరాత్రి జాగరణ మహోత్సవం కార్యక్రమ నిర్మాణ పనులను పట్టణ బిజెపి బృందం పరిశీలించారు.

ఈ సందర్భంగా బీజేపీ కామారెడ్డి మున్సిపల్‌ ప్లోర్‌ లీడర్‌ మోటూరి శ్రీకాంత్‌ మాట్లాడుతూ శివరాత్రి మహా జాగరణ సందర్భంగా ప్రతి సంవత్సరం జిల్లా కేంద్రంలో శ్రీరామ సేన ఆధ్వర్యంలో కామారెడ్డి అసెంబ్లీ ఇంచార్జి కాటిపల్లి వెంకట రమణా రెడ్డి నేతృత్వంలో నిర్వహించే శివరాత్రి జాగరణ మహోత్సవానికి పెరుగుతున్న భక్తుల రద్దీ దృష్ట్యా ఈ సంవత్సరం వీక్లి మార్కెట్‌లో నిర్వహించనున్నామని, గొల్డెన్‌ టెంపుల్‌ నమునాలో నిర్మాణ పనులు జరుగుతున్నాయని, కార్యక్రమంలో భాగంగా అఖండ దీపార్చన, గణపతి పూజ, ఏకాదశ రుద్రాభిషేకం, ద్వాదశ లింగార్చన, మంత్ర పుష్పం, లింగోద్భవ పూజ, అంతే కాకుండా శివ నామ స్మరణతో కూడిన భజన కార్యక్రమం ఉంటుందని అన్నారు.

కావున కామారెడ్డి నియోజకవర్గ హిందూ బంధువులు పెద్ద ఎత్తున పాల్గొని కార్యక్రమాన్ని విజయవంతం చేయాలని విజ్ఞప్తి చేశారు.