Telangana Live Telangana Live News and Views 24X7
కామారెడ్డి, మార్చ్‌ 1
నిజామాబాద్‌ న్యూస్‌ డాట్‌ ఇన్‌ : మహా శివరాత్రి సందర్భంగా కామారెడ్డి జిల్లా మద్దికుంట లోని బుగ్గ రామలింగేశ్వర మందిరంలో శివపార్వతుల కళ్యాణ మహోత్సవంలో మాజీ మంత్రి మాజీ మండలి ప్రతిపక్ష నేత మొహమ్మద్‌ అలీ షబ్బీర్‌ పాల్గొన్నారు.
స్వామి, అమ్మవారికి పట్టు వస్త్రాలు, పుస్తే మట్టెలు సమర్పించారు. పార్వతీ పరమేశ్వరులకు ప్రజలు నీరాజనం పలికారు. స్వాగత తోరణం నుండి నుంచి కళ్యాణవేదిక వరకు శోభాయాత్ర గావించారు. సుమారు ఆరు జిల్లాల నుండి నుంచి లక్షా మంది భక్తులు విచ్చేశారు.
ఈ సందర్భంగా కనీవినీ ఎరుగని రీతిలో శివపార్వతుల కళ్యాణోత్సవం నిర్వహించారు.
కామారెడ్డి నియోజక వర్గంలోని పోసనిపేట శ్రీ రాజరాజేశ్వరస్వామి ఆలయంలోనూ, టెక్రియల్‌ లోని శివాలయంలో మహా శివరాత్రి ఉత్సవాలలో షబ్బీర్‌అలీ పాల్గొన్నారు. అలాగే మాచారెడ్డి మండలం బండ రామేశ్వరం పల్లిలో వైభవంగా రాజరాజేశ్వర రాజన్నసన్నిధిలో శివరాత్రి ఉత్సవాలలో పాల్గొని ప్రజలందరినీ సుఖ సంతోషాలతో చూడాలని అయుర్‌ ఆరోగ్యాలతో ఉండాలని షబ్బీర్‌ అలీ మొక్కు కున్నారు.
