ప్రశాంతంగా కొనసాగుతున్న డిగ్రీ పరీక్షలు

డిచ్‌పల్లి, మార్చ్‌ 2

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని అన్ని అనుబంధ డిగ్రీ కళాశాలలో గల బి.ఎ., బి.కాం., బి.ఎస్సీ., బి.బి.ఎ. కోర్సులకు చెందిన మొదటి, మూడవ, ఐదవ సెమిస్టర్స్‌ రెగ్యూలర్‌ మరియు రెండవ, నాల్గవ, ఆరవ సెమిస్టర్‌ బ్యాక్‌ లాగ్‌ థియరీ పరీక్షలు బుధవారం కూడా ప్రశాంతంగా కొనసాగుతున్నాయని పరీక్షల నియంత్రణాధికారి ఆచార్య ఎం. అరుణ ఒక ప్రకటనలో తెలిపారు.

ఉదయం జరిగిన పరీక్షల్లో మొత్తం 725 మంది విద్యార్థులు నమోదు చేసుకోగా 676 మంది హాజరు, 49 గైర్హాజరు అయినట్లు ఆమె తెలిపారు. మధ్యాహ్నం జరిగిన పరీక్షల్లో మొత్తం 11440 మంది విద్యార్థులు నమోదు చేసుకోగా 10666 మంది హాజరు, 774 గైర్హాజరు అయినట్లు ఆమె తెలిపారు. ఏ పరీక్షాకేంద్రంలో మాల్‌ ప్రాక్టీస్‌ జరుగలేదని ఆమె తెలిపారు.