సోమవారం అమ్మ భగవాన్‌ జన్మదిన వేడుకలు

కామారెడ్డి, మార్చ్‌ 6

నిజామాబాద్‌ న్యూస్‌ డాట్‌ ఇన్‌ : శ్రీ పరంజ్యోతి అమ్మభగవాన్‌ జన్మదినాన్ని పురస్కరించుకొని సోమవారం ఉదయం 9 గంటలనుండి గోమాత పూజ, మరియు కుంకుమ పూజలు, పాదుకాభిషేకం, పుష్పాభిషేకం అమ్మ భగవానుల దర్శనం మరియు మధ్యాహ్నం 1 గంట నుండి అన్నదాన కార్యక్రమం, సాయంత్రం పవళింపు సేవ, ఆలయంలో నిర్వహించడం జరుగుతుందని ఆలయ సేవకులు పేర్కొన్నారు.

కార్యక్రమానికి భక్తులు పెద్ద సంఖ్యలో విచ్చేసి శ్రీ కల్కి భగవాన్‌ కృపకు పాత్రులు కావాలని కోరారు. ప్రతి మంగళవారం అన్నదాన కార్యక్రమాన్ని తిరిగి యథా తథంగా కొనసాగించడం జరుగుతుందని తెలిపారు.