కోమటి చెరువు అందాలకు కామారెడ్డి కలెక్టర్‌ ఫిదా

కామారెడ్డి, మార్చ్‌ 7

నిజామాబాద్‌ న్యూస్‌ డాట్‌ ఇన్‌ : కోమటి చెరువు అందాలకు కామారెడ్డి జిల్లా కలెక్టర్‌ జితేష్‌ వి పాటిల్‌ ఫిదా అయ్యారు. ఆదివారం రాత్రి కుటుంబ సభ్యులతో కలిసి
జిల్లా కలెక్టర్‌ జితేష్‌ వి పాటిల్‌ కోమటి చెరువును సందర్శించారు.

తీగెల వంతెనపై కాలినడకన కోమటి చెరువు అందాలను వీక్షించారు. చెరువులో బోటు షికారు చేస్తూ లేజర్‌ లైట్‌, మ్యూజికల్‌ ఫౌంటెన్‌ షోను తిలకించి మంత్ర ముగ్ధులయ్యారు. గ్లో గార్డెన్‌ అందాలను తిలకించి ఆనంద పరవశులయ్యారు. లవ్‌ సిద్దిపేట అంటూ తమ పర్యటన మధుర క్షణాలను ఫోటో కెమెరాల్లో నిక్షిప్తం చేసుకున్నారు.