డిగ్రీ పరీక్షల్లో పదమూడు మంది విద్యార్థులు డిబార్‌

డిచ్‌పల్లి, మార్చ్‌ 9

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని అన్ని అనుబంధ డిగ్రీ కళాశాలలో గల బి.ఎ., బి.కాం., బి.ఎస్సీ., బి.బి.ఎ. కోర్సులకు చెందిన మొదటి, మూడవ, ఐదవ సెమిస్టర్స్‌ రెగ్యూలర్‌ మరియు రెండవ, నాల్గవ, ఆరవ సెమిస్టర్‌ బ్యాక్‌ లాగ్‌ థియరీ పరీక్షలు బుధవారం కూడా ప్రశాంతంగా కొనసాగాయని పరీక్షల నియంత్రణాధికారి ఆచార్య ఎం. అరుణ ఒక ప్రకటనలో తెలిపారు.

ఉదయం జరిగిన ఐదవ, ఆరవ సెమిస్టర్‌ బ్యాక్‌ లాగ్‌ థీయరీ పరీక్షల్లో మొత్తం 4965 మంది విద్యార్థులు నమోదు చేసుకోగా 4744 మంది హాజరు, 221 గైర్హాజరు అయినట్లు ఆమె తెలిపారు. మధ్యాహ్నం జరిగిన మొదటి సెమిస్టర్‌ రెగ్యూలర్‌ థియరీ పరీక్షల్లో మొత్తం 13076 మంది విద్యార్థులు నమోదు చేసుకోగా 12170 మంది హాజరు, 906 గైర్హాజరు అయినట్లు ఆమె తెలిపారు.

డిగ్రీ పరీక్షల్లో పదమూడు మంది విద్యార్థులు మాల్‌ ప్రాక్టీస్‌కు పాల్పడుతూ డిబార్‌ అయినట్లుగా ఆమె పేర్కొన్నారు.