డిగ్రీ పరీక్షల్లో ఎనిమిది మంది డిబార్‌

డిచ్‌పల్లి, మార్చ్‌ 10

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని అన్ని అనుబంధ డిగ్రీ కళాశాలలో గల బి.ఎ., బి.కాం., బి.ఎస్సీ., బి.బి.ఎ. కోర్సులకు చెందిన మొదటి, మూడవ, ఐదవ సెమిస్టర్స్‌ రెగ్యూలర్‌ మరియు రెండవ, నాల్గవ, ఆరవ సెమిస్టర్‌ బ్యాక్‌ లాగ్‌ థియరీ పరీక్షలు గురువారం కూడా ప్రశాంతంగా కొనసాగాయని పరీక్షల నియంత్రణాధికారి ఆచార్య ఎం. అరుణ ఒక ప్రకటనలో తెలిపారు.

ఉదయం జరిగిన ఐదవ సెమిస్టర్‌ రెగ్యూలర్‌, ఆరవ సెమిస్టర్‌ బ్యాక్‌ లాగ్‌ థీయరీ పరీక్షల్లో మొత్తం 8550 మంది విద్యార్థులు నమోదు చేసుకోగా 8043 మంది హాజరు, 507 గైర్హాజరు అయినట్లు ఆమె తెలిపారు. మధ్యాహ్నం జరిగిన మొదటి సెమిస్టర్‌ రెగ్యూలర్‌ థియరీ పరీక్షల్లో మొత్తం 13142 మంది విద్యార్థులు నమోదు చేసుకోగా 11988 మంది హాజరు, 1154 గైర్హాజరు అయినట్లు ఆమె తెలిపారు.

వివిధ డిగ్రీ పరీక్షా కేంద్రాల్లో ఎనిమిది మంది విద్యార్థులు మాల్‌ ప్రాక్టీస్‌కు పాల్పడుతూ డిబార్‌ అయినట్లుగా ఆమె పేర్కొన్నారు.