Telangana Live Telangana Live News and Views 24X7
గాంధారి, మార్చ్‌ 21
నిజామాబాద్‌ న్యూస్‌ డాట్‌ ఇన్‌ : గాంధారి మండల కేంద్రంలో శ్రీ సీతా రామ మందిర నిర్మాణానికి భక్తులు ముందుకువచ్చారు. ఇందులో భాగంగా స్థానిక మార్కెట్‌ కమిటీ కార్యాలయం సమీపంలో సోమవారం శ్రీ రామ భక్తులు తాత్కాలిక శ్రీ హనుమాన్‌, లక్ష్మణ్‌ సమెత సీతా రాముల మూర్తులను ప్రతిష్టించి భూమి పూజ నిర్వహించారు. శ్రీ హనుమాన్‌ మాలలు వేసుకున్న స్వాములు, గ్రామ పెద్దలు, నాయకులు పూజ కార్యక్రమంలో పాల్గొన్నారు.
అనంతరం అక్కడ ఏర్పాటు చేసిన అన్నదాన కార్యక్రమంలో పాల్గొన్నారు. అన్న ప్రసాదాన్ని స్వీకరించి శ్రీ రామ మందిర నిర్మాణానికి తమ వంతు సహాయం చేస్తామని పలువురు హామీ ఇచ్చారు. కార్యక్రమంలో స్థానిక సర్పంచ్‌ సంజీవ్‌ యాదవ్‌, ఉప సర్పంచ్‌ రమేష్‌,గ్రామ అభివృద్ధి కమిటీ సభ్యులు మల్లేష్‌ యాదవ్‌, బండి రాజు, సురేష్‌,నితిన్‌ పాటిల్‌, బెజుగం సంతోష్‌, తాడ్వాయి సంతోష్‌,బీజేపీ నాయకులు సాయి బాబా, హుస్సేన్‌, విజయ్‌,ఆకుల శ్రీధర్‌ వ్యాపారులు, భక్తులు అధిక సంఖ్యలో పాల్గొన్నారు.
