Telangana Live Telangana Live News and Views 24X7
డిచ్‌పల్లి, మార్చ్‌ 30
నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలో అన్ని అనుబంధ డిగ్రీ కళాశాలలో గల బి.ఎ., బి.కాం., బి.ఎస్సీ., బి.బి.ఎ., బి.ఎ. (ఎల్‌) కోర్సులకు చెందిన 2011-12, 2012-13, 2013-14, 2014-15 ఇయర్‌ వైస్‌ బ్యాచ్‌ విద్యార్థులకు వన్‌ టైం చాన్స్‌ కాగా 2015-16 ఇయర్‌ వైస్‌ బ్యాచ్‌ విద్యార్థులకు చెందిన మొదటి, రెండవ, మూడవ సంవత్సర విద్యార్థులకు ఇయర్‌ వైస్‌ బ్యాక్‌ లాగ్‌ థియరీ పరీక్షల ఫీజు గడువు వచ్చే నెల ఏఫ్రిల్‌ 11 వ తేదీ వరకు ఉందని పరీక్షల నియంత్రణాధికారి ఆచార్య ఎం. అరుణ షెడ్యూల్‌ విడుదల చేశారు. ఈ పరీక్షలు ఏఫ్రిల్‌, మే నెలలో నిర్వహించ తలపెట్టినట్లు ఆమె పేర్కొన్నారు.
అంతేగాక 100 రూపాయల అపరాధ ఆలస్య రుసుముతో వచ్చే నెల ఏఫ్రిల్‌ 13 వ తేదీ వరకు, 500 రూపాయల అపరాధ ఆలస్య రుసుముతో వచ్చే నెల ఏఫ్రిల్‌ 18 వ తేదీ వరకు పరీక్షా ఫీజు చెల్లించవచ్చని ఆమె పేర్కొన్నారు. కావున ఈ విషయాన్ని డిగ్రీ కళాశాలల ప్రధానాచార్యులు, ఇయర్‌ వైస్‌ డిగ్రీ బ్యాక్‌ లాగ్‌ విద్యార్థులు గమనించాలని కోరారు. పూర్తి వివరాలకు తెలంగాణ యూనివర్సిటి వెబ్‌ సైట్‌ను సందర్శించాలని సూచించారు.
