ఉత్తమ ప్రతిభ కనబర్చిన క్రీడాకారిని సింధూజ

భీమ్‌గల్‌, ఏప్రిల్‌ 8

నిజామాబాద్‌ న్యూస్‌ డాట్‌ ఇన్‌ : భీంగల్‌ పట్టణం కేంద్రంలోని బోయవాడ ప్రభుత్వ బాలికల ఉన్నత పాఠశాలలో విద్యనభ్యసిస్తున్న మన్మల సింధూజ తెలంగాణ రాష్ట్ర ప్రభుత్వం నిర్వహించిన అండర్‌ 20 కబడ్డీ జిల్లా స్థాయి టీమ్‌లో ఎంపిక అయ్యి ఈ నెల 9, 10, 11 తేదీల్లో రాజన్న సిరిసిల్ల జిల్లాలో జరుగనున్న రాష్ట్ర స్థాయి కబడ్డీ పోటీలకు హాజరు కానుంది.

కావున తనను ప్రోత్సాహిస్తూ రాష్ట్ర స్థాయిలో కూడా ఉత్తమ ప్రతిభ కనపర్చి విజయం సాధించి వ్యాయమ ఉపాద్యాయులు గోపికి, బాలికల ఉన్నత పాఠశాలకి, భీంగల్‌ పట్టణానికి మంచి పేరు ప్రఖ్యాతలు తీసుకు రావాలని కోరుకుంటూ శుక్రవారం రోజు సింధూజని న్యూ ఫ్రెండ్స్‌ యూత్‌ అసోసియేషన్‌ తరుపున శాలువా, మెడల్‌, మెమోంటోతో సన్మానించి ఆమెకి పదకొందువందల రూపాయలు ఆర్థిక సహాయం చేశారు.

ఇలాగే భీంగల్‌ పట్టణ కేంద్రంలో వివిధ రంగాల్లో ప్రతిభ ఉన్న విద్యార్థులని గుర్తించి వారిని ప్రోత్సహించడమే తమ యూత్‌ లక్ష్యంగా ముందుకు వెళ్తుందని న్యూ ఫ్రెండ్స్‌ యూత్‌ అధ్యక్షుడు రావుట్ల అరవింద్‌ తెలిపారు.

కార్యక్రమంలో పాఠశాల ప్రధానోపాధ్యాయులు రఘువస్‌, ఉపాధ్యాయులు నీలం రవి, వాసుదేవ్‌, టిఆర్‌ఎస్‌వి టౌన్‌ ప్రెసిడెంట్‌ లడ్డు నేత, న్యూ ఫ్రెండ్స్‌ యూత్‌ అసోసియేషన్‌ సభ్యులు జవ్వాజి శ్రీనివాస్‌, సంజాయ్‌, బాలు, నగేష్‌, ప్రవీణ్‌, బాబ్ల్యూ, పాఠశాల విద్యార్థులు తదితరులు పాల్గొన్నారు.