పిహెచ్‌. డి. నోటిఫికేషన్‌ విడుదల

డిచ్‌పల్లి, ఏప్రిల్‌ 13

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని ఫ్యాకల్టీ ఆఫ్‌ ఆర్ట్స్‌లో డీన్‌ ఆచార్య పి. కనకయ్య ఆధ్వర్యంలో బుధవారం పిహెచ్‌. డి. పరిశోధన కోసం క్యాటగిరి – 1 నోటిఫికేషన్‌ విడుదల అయ్యింది.

ఈ సందర్భంగా ఆయన మాట్లాడుతూ… తెలుగు, ఇంగ్లీష్‌, హిందీ, ఉర్దూ విభాగాలలో క్యాటిగిరి – 1 కి చెందిన యూజీసీ జెఆర్‌ఎఫ్‌ మరియు ఏదైనా నేషనల్‌ సంస్థ నుంచి ఫెలోషిప్‌ అర్హులైన అభ్యర్థుల నుంచి మాత్రమే పిహెచ్‌.డి. పరిశోధన చేయడానికి దరఖాస్తులు కోరుతున్నామన్నారు. చివరి తేది మే 15 వరకు, వెయ్యి రూపాయల ఫీజుతో దరఖాస్తు ఫారాన్ని ఆర్ట్స్‌ డీన్‌ కార్యాలయంలో సమర్పించాలని ఆయన కోరారు.

తదితర పూర్తి వివరాలకు యూనివర్సిటీ వెబ్‌ సైట్‌ సందర్శించాలన్నారు.