Telangana Live Telangana Live News and Views 24X7
డిచ్‌పల్లి, ఏప్రిల్‌ 18
నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని కంప్యూటర్‌ సైన్స్‌ వెనుక భాగంలోని మామిడి తోటలో గల హనుమాన్‌ మందిరంలో మంగళవారం ఉదయం శ్రీ హనుమాన్‌ జన్మదినోత్సవ వేడుకలను ఘనంగా నిర్వహించనున్నారని హనుమాన్‌ జన్మదినోత్సవ వేడుకల కమిటీ సభ్యులు తెలిపారు. మధ్యాహ్నం అన్నదాన కార్యక్రమం నిర్వహింపబడుతుందన్నారు.
ఈ సందర్భంగా ఉపకులపతి ఆచార్య డి. రవీందర్‌ హనుమాన్‌ జన్మదినోత్సవ వేడుకల కరపత్రాలను ఆవిష్కరించారు. కార్యక్రమానికి విశిష్ట అతిథిగా తెలంగాణ రాష్ట్ర ఉన్నత విద్యా మండలి చైర్మన్‌ ఆచార్య ఆర్‌. లింబాద్రి విచ్చేయనున్నట్లు కమిటీ సభ్యులు తెలిపారు. కరపత్ర ఆవిష్కరణలో రిజిస్ట్రార్‌ ఆచార్య కె. శివశంకర్‌, నవీన్‌, సురేష్‌ ఎరం, మల్లికార్జున్‌, సాయి తేజా, శివ, ప్రవీణ్‌ తదితర విద్యార్థులు పాల్గొన్నారు.
