టియు విద్యార్థులకు ఐటి హబ్‌లో మెరుగైన అవకాశాలు

డిచ్‌పల్లి, ఏప్రిల్‌ 22

నిజామాబాద్‌ న్యూస్‌ డాట్‌ ఇన్‌ : నిజామాబాద్‌ నగరంలో ఐటి హబ్‌ ఏర్పాటు చేస్తుండడంతో అర్బన్‌ ఎమెల్యే గణేష్‌ బిగాల, సోదరులు మహేష్‌ బిగాల నేతృత్వంలో శుక్రవారం వివిధ రంగాలకు చెందిన ప్రముఖ వ్యక్తులతో సమీక్షా సమావేశం నిర్వహించారు. సమావేశానికి తెలంగాణ విశ్వవిద్యాలయ ఉపకులపతి ఆచార్య డి. రవీందర్‌ హాజరయ్యారు.

అమెరికాకు చెందిన వైటల్‌ గ్లోబల్‌ కంపెనీ మేనేజింగ్‌ డైరెక్టర్‌ ప్రవీణ్‌ కుమార్‌ నిజామాబాద్‌లో ఐటి హబ్‌ ప్రారంభించబోతున్నారు. ఈ నేపథ్యంలో వారికి ఎంసిఎ, ఎంబిఎ, ఎం.ఎస్సీ కంప్యూటర్‌ సైన్స్‌, ఇంజనీరింగ్‌, ఎం.కాం. కోర్సులు పూర్తి చేసిన విద్యార్థులకు ఉద్యోగ నోటిఫికేషన్‌ వెలువరించబోతున్నారు. ఈ సందర్భంలో తెలంగాణ విశ్వవిద్యాలయంలో చదివిన విద్యార్థులకు మెరుగైన అవకాశాలు రానున్నట్లుగా వీసీ తెలిపారు.