టీయూలో కోచింగ్‌ సెంటర్‌

డిచ్‌పల్లి, ఏప్రిల్‌ 27

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలో ప్రస్తుతం వెలువడుతున్న ప్రభుత్వ పరీక్షల పోటీల శిక్షణా కేంద్రం (కాంపిటీటీవ్‌ ఎగ్జామినేషన్స్‌ కోచింగ్‌ సెంటర్‌) ప్రారంభోత్సవ కార్యక్రమం ఈ నెల 29 వ తేదీ శుక్రవారం మధ్యాహ్నం కామర్స్‌ అండ్‌ బిజినెస్‌ మేనేజ్‌ మెంట్‌ కళాశాలోని సెమినార్‌ హాల్‌లో నిర్వహింపబడుతుందని డైరెక్టర్‌ డా. జి. బాల శ్రీనివాస మూర్తి ఒక ప్రకటనలో తెలిపారు.

కార్యక్రమంలో తెలంగాణ రాష్ట్ర ప్రధాన సమాచార కమీషనర్‌ బుద్ధా మురళి ప్రధాన వక్తగా పాల్గొంటారని తెలిపారు. ఉపకులపతి ఆచార్య డి. రవీందర్‌, రిజిస్ట్రార్‌ ఆచార్య కె. శివశంకర్‌ హాజరవుతారని ఆన్నారు. కావున విద్యార్థులు అధిక సంఖ్యలో పాల్గొని పోటీ పరీక్షలకు సంసిద్ధం కావాలని అన్నారు.