Telangana Live Telangana Live News and Views 24X7
డిచ్‌పల్లి, మే 10
నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని అన్ని అనుబంధ కళాశాలలో గల బి.ఎడ్‌. మొదటి సెమిస్టర్‌ పరీక్షలు ఈ నెల 18 నుంచి మరియు బి.ఎడ్‌. మూడవ సెమిస్టర్‌ పరీక్షలు ఈ నెల 21 నుంచి ప్రారంభం కానున్నట్లు పరీక్షల నియంత్రణాధికారి ఆచార్య ఎం. అరుణ తెలిపారు. దీనికి సంబంధించిన పరీక్షల షెడ్యూల్‌ను ఆమె విడుదల చేశారు.
కావున ఈ విషయాన్ని బి.ఎడ్‌. కళాశాలల ప్రధానాచార్యులు, విద్యార్థులు గమనించాలని కోరారు. పూర్తి వివరాలకు తెలంగాణ యూనివర్సిటి వెబ్‌ సైట్‌ను సందర్శించాలని సూచించారు.
