పిహెచ్‌.డి. నోటిఫికేషన్‌ ఫీజు గడువు పొడిగింపు

డిచ్‌పల్లి, మే 13

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని ఫ్యాకల్టీ ఆఫ్‌ ఆర్ట్స్‌లో డీన్‌ ఆచార్య పి. కనకయ్య ఆధ్వర్యంలో గత నెల ఏఫ్రిల్‌ 13 వ తేదీన పిహెచ్‌. డి. పరిశోధన కోసం క్యాటగిరి – 1 నోటిఫికేషన్‌ విడుదల అయిన విషయం తెలిసిందే. కాగా ఫీజు గడువు ఈ నెల 14 తేదీ వరకు చివరి తేదీ ఉండగా అభ్యర్థుల విజ్ఞప్తి మేరకు ఈ నెల 28 వ తేదీ వరకు పొడిగించినట్లు శుక్రవారం ఒక ప్రకటనలో పేర్కొన్నారు.

ఈ సందర్భంగా ఆయన మాట్లాడుతూ… తెలుగు, ఇంగ్లీష్‌, హిందీ, ఉర్దూ విభాగాలలో క్యాటిగిరి – 1 కి చెందిన యూజీసీ జెఆర్‌ఎఫ్‌ మరియు ఏదైనా నేషనల్‌ సంస్థ ఫెలోషిప్‌కు అర్హులైన అభ్యర్థుల నుంచి మాత్రమే పిహెచ్‌. డి. పరిశోధన చేయడానికి దరఖాస్తులు కోరుతున్నామన్నారు.

తదితర పూర్తి వివరాలకు యూనివర్సిటీ వెబ్‌ సైట్‌ సందర్శించాలన్నారు.