అవార్డుల కోసం దరఖాస్తుల ఆహ్వానం

కామారెడ్డి, మే 17

నిజామాబాద్‌ న్యూస్‌ డాట్‌ ఇన్‌ : డైరెక్టర్‌ ఆఫ్‌ యూత్‌ సర్వీసెస్‌, సికింద్రాబాద్‌ వారి ఆదేశాల మేరకు 2023 జాతీయ గణతంత్ర దినోత్సవం సందర్భంగా సామాజిక సేవా రంగం, సాహిత్య రంగం, క్రీడా రంగాల్లో విశిష్ట సేవలందించిన అభ్యర్థుల నుండి పద్మ అవార్డుల కొరకు ప్రభుత్వానికి సిఫార్సు చేయడానికి దరఖాస్తులు కోరుతున్నట్టు జిల్లా యువజన, క్రీడల అధికారి ఒక ప్రకటనలో పేర్కొన్నారు.

అర్హులైన అభ్యర్థులు తమ డాక్యుమెంట్లు (వర్డ్‌ అండ్‌ పిడిఎఫ్‌) ఫార్మెట్లో సాప్ట్‌ కాపీ మరియు నామినేషన్‌ షారాలు, అవసరమైన డాక్యుమెంట్లు 4 జతలు, 800 పదాలకు మించకుండా మీరు చేసిన కార్యక్రమాల గురించి వివరిస్తూ రాసిన పత్రాలు ఈనెల 19వ తేదీలోపు జిల్లా యువజన క్రీడా కార్యాలయం రూం నెంబర్‌ 223 సమీకృత జిల్లా కార్యాలయం, కామారెడ్డిలో సమర్పించాలన్నారు.

మరిన్ని వివరాలకు జిల్లా యువజన మరియు క్రీడల అధికారి కార్యాలయం ఫోన్‌ నెంబర్‌ 90309 15107 లో సంప్రదించాలన్నారు.