పెళ్లిరోజు సందర్భంగా రక్తదానం

కామారెడ్డి, మే 24

నిజామాబాద్‌ న్యూస్‌ డాట్‌ ఇన్‌ : కామారెడ్డి జిల్లా కేంద్రంలోని వీ.టి ఠాకూర్‌ రక్తనిధి కేంద్రంలో మంగళవారం పెళ్లిరోజు పురస్కరించుకొని సుజిత్‌ ఉమారాణి దంపతులు రక్తదానం చేయడం అభినందనీయమని రెడ్‌ క్రాస్‌, ఐవిఎఫ్‌ జిల్లా సమన్వయకర్త బాలు తెలిపారు.

ఈ సందర్భంగా బాలు మాట్లాడుతూ అన్ని దానాల్లోకెల్లా రక్త దానం గొప్పదని రక్తదానం చేయడం వల్ల తోటి వారి ప్రాణాలను కాపాడే అవకాశం ఉంటుందన్నారు. ప్రతి ఒక్కరూ సంవత్సరానికి 4 సార్లు రక్తదానం చేయవచ్చునని యువతీ యువకులు రక్త దానానికి ముందుకు రావాలని పిలుపునిచ్చారు. రక్తదానం చేయాలనుకున్నవారు 9492874006 కి సంప్రదించాలన్నారు. కార్యక్రమంలో బ్యాంక్‌ టెక్నీషియన్లు ఏసు గౌడ్‌, చందన్‌ పాల్గొన్నారు.