పరీక్షలు పకడ్బందీగా నిర్వహించాలి

కామారెడ్డి, మే 24

నిజామాబాద్‌ న్యూస్‌ డాట్‌ ఇన్‌ : దోమకొండ బాలుర పాఠశాలలో పరీక్ష కేంద్రాన్ని, అలాగే బీబీపేట బాలుర పాఠశాలలో పరీక్ష కేంద్రాన్ని మంగళవారం జిల్లా కలెక్టర్‌ జితేష్‌ వి పాటిల్‌ పరిశీలించారు. ప్రశ్నపత్రాల వివరాలను ఆరా తీశారు. పరీక్షలు పకడ్బందీగా నిర్వహించాలని అధికారులకు సూచించారు. పరీక్ష కేంద్రంలో మౌలిక వసతుల గురించి విద్యార్థులను అడిగి తెలుసుకున్నారు.

ఎస్సీ వసతి గృహంలో చేపడుతున్న అభివృద్ధి పనులను పరిశీలించారు. పల్లె ప్రకృతి వనాన్ని సందర్శించారు. మొక్కలకు నీటిని అందించాలని సూచించారు. మాల్‌ ప్రాక్టీస్‌ జరగకుండా అధికారులు చర్యలు చేపట్టాలని పేర్కొన్నారు. కార్యక్రమంలో అధికారులు పాల్గొన్నారు.