పకడ్బందీగా టెట్‌ నిర్వహణ

కామారెడ్డి, జూన్‌ 7

నిజామాబాద్‌ న్యూస్‌ డాట్‌ ఇన్‌ : తెలంగాణా రాష్ట్ర ఉపాధ్యాయ ఎంపిక పరిక్ష – 2022 (టిఎస్‌ టెట్‌) పరీక్షని ఈనెల 12 ఆదివారం జిల్లా కేంద్రంలోని 23 పరిక్ష కేంద్రాలలో నిర్వహించబడుతుందని అదనపు కలెక్టర్‌ శ్రీ చంద్రమోహన్‌ అన్నారు.

టిఎస్‌ టెట్‌ – 2022 చీఫ్‌ సూపరింటెండెంట్‌లకు, డిపార్టుమెంటల్‌ ఆఫీసర్లకు, రూటు ఆఫీసర్లకు, ఫ్లయింగ్‌ స్క్వాడ్‌లకు శిక్షణ కార్యక్రమం ఏర్పాటు చేశారు. పరిక్షకి సంబందించి పారదర్శకంగా, ఎటువంటి లోటుపాట్లు లేకుండా నిర్వహించాలని ఆదేశించారు. జిల్లా విద్యాశాఖాధికారి ఎస్‌. రాజు మాట్లాడుతూ పరీక్షని పకడ్బందిగా నిర్వహించాలని కోరారు. పరిక్షల విభాగపు అధికారి నీలం లింగం పరిక్ష ఏర్పాటు విధానం, సీటింగ్‌ ఏర్పాటు మరియు ఇతర ఏర్పాట్లు అన్ని చేసి పరిక్షని ప్రశాంతంగా నిర్వహించాలని కోరారు.