క్రీడా ప్రాంగణాన్ని ప్రారంభించిన ఎమ్మెల్యే

నిజామాబాద్‌, జూన్‌ 7

నిజామాబాద్‌ న్యూస్‌ డాట్‌ ఇన్‌ : నిజామాబాద్‌ అర్బన్‌ ఎమ్మెల్యే గణేష్‌ బిగాల 6వ డివిజన్‌ వినాయక్‌ నగర్‌ న్యూ హౌసింగ్‌ బోర్డ్‌ కాలనిలో క్రీడా ప్రాంగణాన్ని ప్రారంభించారు. ఈ సందర్భంగా ఎమ్మెల్యే మాట్లాడుతూ యువత చదువులొనే కాకుండా శారీరకంగా మానసికంగా దృడంగా ఉండటానికి క్రీడా ప్రాంగణాలని నిర్మిస్తున్నామని, ఇందులో వాలిబాల్‌ కోర్ట్‌, బ్యాడ్మింటన్‌ కోర్ట్‌, కబడ్డీ కోర్ట్‌, చిల్డ్రన్స్‌ ప్లేయింగ్‌ ఎక్విప్‌మెంట్‌తో పాటు కాలనీ వాసుల విన్నపం మేరకు వాకింగ్‌ ట్రాక్‌ ఏర్పాటు చేస్తున్నామన్నారు.

యువత మొబైల్‌ ఫోన్‌లతో బిజిగా ఉండకుండా క్రీడా ప్రాంగణంలో ఆటలు ఆడి మానసిక ఉల్లాసాన్ని పొందాలని సూచించారు. కార్యక్రమంలో నగర మేయర్‌ నీతు కిరణ్‌, 6వ డివిజన్‌ కార్పొరేటర్‌ ఉమారని శ్రీనివాస్‌, తెరాస నాయకులు పాక సురేష్‌, మాకు రవి, కులచారి సంతోష్‌, నాంపల్లి, కాలనీ సభ్యులు పాల్గొన్నారు.