Telangana Live Telangana Live News and Views 24X7
నందిపేట్‌, జూన్‌ 19
నిజామాబాద్‌ న్యూస్‌ డాట్‌ ఇన్‌ : నందిపేట్‌ మండల కేంద్రంలో నిర్మించతలపెట్టిన శ్రీ రేణుకా ఎల్లమ్మతల్లి ఆలయానికి ఆర్మూర్‌ ఎమ్మెల్యే జీవన్‌ రెడ్డి ఆదివారం భూమి పూజ నిర్వహించారు. ఆలయ నిర్మాణ స్థలం వద్ద వేద పండితులు, ఆలయ నిర్మాణ కర్తలు జీవన్‌ రెడ్డికి ఘనస్వాగతం పలికారు. వేద పండితుల మంత్రోచ్ఛారణల మధ్య జీవన్‌ రెడ్డి ఆలయ నిర్మాణానికి శంకుస్థాపన చేశారు. ఈ సందర్భంగా ఆలయ నిర్మాణ కమిటీ సభ్యులు జీవన్‌ రెడ్డిని ఘనంగా సన్మానించారు.
కార్యక్రమంలో నందిపేట్‌ ఎంపిపి వాకిడి సంతోష్‌ రెడ్డి, వైస్‌ ఎంపిపి దేవేందర్‌, నందిపేట్‌ సర్పంచ్‌ సాంబారు వాణి తిరుపతి, ఉప సర్పంచ్‌ భరత్‌, ఎంపిటీసిలు మురళి, అరుణ చావన్‌, ఆలయ కమిటీ ఛైర్మన్‌ శ్రీనివాస్‌ గౌడ్‌, ప్రభాకర్‌ గౌడ్‌, టిఆర్‌ఎస్‌ నాయకులు ఎర్రం ముత్యం, రంజిత్‌, రామకృష్ణ తదితరులు పాల్గొన్నారు.
