ముగ్గురు విద్యార్థులు డిబార్‌

డిచ్‌పల్లి, జూన్‌ 23

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని అన్ని అనుబంధ కళాశాలలో గల డిగ్రీ సిబిసిఎస్‌ రెండవ, నాల్గవ, ఆరవ సెమిస్టర్స్‌ రెగ్యూలర్‌ మరియు మొదటి, మూడవ, ఐదవ సెమిస్టర్స్‌ బ్యాక్‌లాగ్‌ థియరీ పరీక్షలు గురువారం కూడా ప్రశాంతంగా కొనసాగినట్లు పరీక్షల నియంత్రణాధికారి ఆచార్య ఎం. అరుణ తెలిపారు.

ఉదయం జరిగిన ఆరవ సెమిస్టర్‌ రెగ్యూలర్‌ థియరీ పరీక్షలకు మొత్తం 7978 నమోదు చేసుకోగా 7680 మంది హాజరు, 298 మంది గైర్హాజరు అయినట్లు తెలిపారు. మధ్యాహ్నం జరిగిన మొదటి సెమిస్టర్‌ బ్యాక్‌ లాగ్‌ థియరీ పరీక్షలకు మొత్తం 2255 నమోదు చేసుకోగా 2161 మంది హాజరు, 94 మంది గైర్హాజరు అయినట్లు తెలిపారు. భీమ్‌గల్లులోని నలంద డిగ్రీ కళాశాలలోని తెలుగు సబ్జెక్ట్‌లో ముగ్గురు విద్యార్థులు మాల్‌ ప్రాక్టిస్‌కు పాల్పడుతూ డిబార్‌ అయినట్లు ప్రకటించారు.