శిక్షణ కోసం ఉర్దూ జర్నలిస్టులు పేర్లు పంపాలి

నిజామాబాద్‌, జూన్‌ 23

నిజామాబాద్‌ న్యూస్‌ డాట్‌ ఇన్‌ : తెలంగాణ రాష్ట్ర మీడియా అకాడమీ ఆధ్వర్యంలో ఈ నెల 25, 26 తేదీలలో రెండు రోజులపాటు నిర్వహించనున్న శిక్షణ తరగతుల కోసం ఆసక్తిగల ఉర్దూ జర్నలిస్టులు తమ పేర్లు పంపాలని నిజామాబాద్‌ జిల్లా పౌర సంబంధాల అధికారి కోరారు.

హైదరాబాదులోని ఉర్దూ మస్కాన్‌, ఖిల్వట్‌లో రెండు రోజుల పాటు శిక్షణా తరగతులు కొనసాగుతాయన్నారు. ఆసక్తి కలిగిన ఉర్దూ జర్నలిస్టులు వాట్సాప్‌ నెంబర్‌ 94407 91786 కు రేపు అనగా శుక్రవారం సాయంత్రంలోగా తమ పేర్లు పంపాలని కోరారు. పూర్తి పేరు, పనిచేస్తున్న సంస్థ పేరు, హోదా, సెల్‌ నెంబర్‌, ఈ మెయిల్‌ ఐడి వివరాలను వాట్సప్‌ ద్వారా తెలియజేయాలని సూచించారు.