ఉషోదయ, ఎంఎస్‌ఆర్‌ కాలేజీలకు షోకాజ్‌ నోటీసులు

డిచ్‌పల్లి, జూలై 1

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయం పరిధిలో గల ఉషోదయ డిగ్రీ కళాశాల, ఉషోదయ మహిళా డిగ్రీ కళాశాల మరియు ఎంఎస్‌ఆర్‌ కళాశాలలకు షోకాజ్‌ నోటీసులను ఉపకులపతి ఆచార్య డి. రవీందర్‌ ఆదేశానుసారం రిజిస్ట్రార్‌ ఆచార్య కె. శివశంకర్‌ జారీ చేశారు. బోధన్‌ ఉషోదయ డిగ్రీ కళాశాల, మహిళా డిగ్రీ కళాశాల, నిజామాబాద్‌ ఎంఎస్‌ఆర్‌ కళాశాలకు నోటీసులు అందాయి. ఆడిట్‌ సెల్‌ డైరెక్టర్‌ ఆచార్య బి. విద్యావర్ధిని, సిబ్బంది తనిఖీ చేసి సమర్పించిన నివేదిక ప్రకారం…

ఉషోదయ డిగ్రీ కళాశాలలో మొత్తం 11 కోర్సుల సెక్షన్స్‌ ఉన్నాయని, వాటికి 17 తరగతి గదులు, 9 ప్రయోగశాలలు ఉండాలన్నారు. కాని 20 తరగతి గదులు ఉన్నా, 5 ప్రయోగశాలలు మాత్రమే ఉన్నాయని అన్నారు. ఒక్కో తరగతి గది 600 చదరపు అడుగుల విస్తీర్ణంలో ఉండాలని కాని దీని కంటే తక్కువ స్థలంలో 485 చదరపు అడుగులు, 435 చదరపు అడుగులు, 434 చదరపు అడుగులు మాత్రమే గదుల నిర్మాణం జరిగిందన్నారు.

ఉషోదయ మహిళా డిగ్రీ కళాశాలలో మొత్తం 9 కోర్సుల సెక్షన్స్‌ ఉన్నాయని, వాటికి 14 తరగతి గదులు, 12 ప్రయోగశాలలు ఉండాలన్నారు. కాని కేవలం 12 తరగతి గదులు, 5 ప్రయోగశాలలు మాత్రమే ఉన్నాయని అన్నారు. ఒక్కో తరగతి గది 600 చదరపు అడుగుల విస్తీర్ణంలో ఉండాలని కాని దీని కంటే తక్కువ స్థలంలో 433 చదరపు అడుగులు, 431 చదరపు అడుగులు, 419 చదరపు అడుగులు మాత్రమే గదుల నిర్మాణం జరిగిందన్నారు.

ఎంఎస్‌ఆర్‌ కళాశాలలో మొత్తం 11 కోర్సుల సెక్షన్స్‌ ఉన్నాయని, వాటికి 17 తరగతి గదులు, 9 ప్రయోగశాలలు ఉండాలన్నారు. కాని కేవలం 12 తరగతి గదులు, 5 ప్రయోగశాలలు మాత్రమే ఉన్నాయని అన్నారు. ఒక్కో తరగతి గది 600 చదరపు అడుగుల విస్తీర్ణంలో ఉండాలని కాని దీని కంటే తక్కువ స్థలంలో 488 చదరపు అడుగులు, 486 చదరపు అడుగులు, 417 చదరపు అడుగులు మాత్రమే గదుల నిర్మాణం జరిగిందన్నారు.

ఏ కాలేజ్‌లో కూడా గైడ్‌ లైన్స్‌ నిబంధనలను అనుసరించి తరగతి గదులు, ప్రయోగశాలలు లేవని అన్నారు. ఒక్కో తరగతి గది 600 చదరపు అడుగుల విస్తీర్ణంలో ఉండాలని కాని దీని కంటే తక్కువ స్థలంలో మాత్రమే గదుల నిర్మాణం జరిగిందన్నారు. అదే విధంగా విద్యార్థుల సంఖ్యకు సరిపడు మూత్రశాలలు, ఆటస్థలం, వాహన పార్కింగ్‌ సౌకర్యం లేవని అన్నారు. షోకాజ్‌ నోటీసులకు 15 రోజులలో జవాబు ఇవ్వాలని, లేని పక్షంలో తగిన చర్యలు తీసుకోబడుతాయని హెచ్చరించారు.