ఆటో, బైకు ఢీ, పలువురికి గాయాలు

ఎడపల్లి, జూలై 3

నిజామాబాద్‌ న్యూస్‌ డాట్‌ ఇన్‌ : ఎదురెదురుగా వెళుతున్న బైకు, ఆటో ఢీకొనడంతో ఆటో డ్రైవర్‌తో పాటు బైక్‌పై వెళుతున్న ముగ్గురికి తీవ గాయాలైన ఘటన ఎడపల్లి మండలం జానకంపేట గ్రామ శివారులో ఆదివారం చోటుచేసుకుంది.

కుర్నాపల్లి నుంచి జానకంపేట్‌ వైపు వెళుతున్న టిఎస్‌ 34 టిఎ 2044 నెంబరు గల ఆటో జానకంపేట గ్రామ శివారుకు రాగానే కుర్నాపల్లి గ్రామానికి చెందిన ఆటో డ్రైవర్‌ బోదాసు ప్రశాంత్‌ ఫిట్స్‌ రావడంతో ఆటో అదుపుతప్పి ఎదురుగా వస్తున్న ఏపి 25 ఏఎఫ్‌ 6675 బైకును ఢీకొట్టి బోల్తాపడిరది. దీంతో ఆటోలో ఉన్న దైవర్‌తోపాటు బైక్‌పై ఉన్న ఇద్దరు భార్యాభర్తలు, వారి కుమారుడికి తీవ గాయాలయ్యాయి.

ఘటన సమాచారాన్ని గమనించిన స్థానికులు గాయాలైన క్షతగాత్రులను హుటాహుటిన నిజామాబాద్‌ ప్రభుత్వ ఆసుపత్రికి తరలించారు. ఆటోలో ప్రయాణీకులు లేకపోవడంతో ప్రమాదం తప్పిందని స్థానికులు అన్నారు. ఘటన స్థలానికి చేరుకున్న పోలీసులు వివరాలు సేకరించి దర్యాప్తు జరుపుతున్నారు. ఘటనలో బైకుతో పాటు ఆటో పాక్షికంగా ధ్వంసమైంది.