ఏడుగురు విద్యార్థుల డిబార్‌

డిచ్‌పల్లి, జూలై 4

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని అన్ని అనుబంధ కళాశాలలో గల డిగ్రీ సిబిసిఎస్‌ రెండవ, నాల్గవ, ఆరవ సెమిస్టర్స్‌ రెగ్యూలర్‌ మరియు మొదటి, మూడవ, ఐదవ సెమిస్టర్స్‌ బ్యాక్‌ లాగ్‌ థియరీ పరీక్షలు సోమవారం కూడా ప్రశాంతంగా కొనసాగినట్లు పరీక్షల నియంత్రణాధికారి ఆచార్య ఎం. అరుణ తెలిపారు.

ఉదయం జరిగిన ఆరవ సెమిస్టర్‌ రెగ్యూలర్‌ థియరీ పరీక్షలకు మొత్తం 5294 నమోదు చేసుకోగా 5073 మంది హాజరు, 221 మంది గైర్హాజరు అయినట్లు తెలిపారు.
మధ్యాహ్నం జరిగిన మొదటి సెమిస్టర్‌ బ్యాక్‌ లాగ్‌ థియరీ పరీక్షలకు మొత్తం 2334 నమోదు చేసుకోగా 2231 మంది హాజరు, 103 మంది గైర్హాజరు అయినట్లు తెలిపారు.

నిజామాబాద్‌ ఎస్‌ఎస్‌ఆర్‌ డిగ్రీ కళాశాలలో గల పరీక్షాకేంద్రంలో మల్టీ మీడియాలో ఇద్దరు, వెబ్‌ టెక్నాలజీలో ఒకరు, ఆర్మూర్‌ ప్రభుత్వ డిగ్రీ కళాశాలలో గల పరీక్షాకేంద్రంలో వెబ్‌ టెక్నాలజీలో ఇద్దరు, కంప్యూటర్‌ సైన్స్‌ ఒకరు, ఆర్మూర్‌ నరేంద్ర మహిళా డిగ్రీ కళాశాలలో గల పరీక్షాకేంద్రంలో వెబ్‌ టెక్నాలజీలో ఒకరు మాల్‌ ప్రాక్టిస్‌కు పాల్పడుతూ డిబార్‌ అయినట్లుగా ప్రకటించారు.