Telangana Live Telangana Live News and Views 24X7
నందిపేట్‌, జూలై 8
నిజామాబాద్‌ న్యూస్‌ డాట్‌ ఇన్‌ : నందిపేట్‌ మండల కేంద్రంలోని కేదారేశ్వర ఆశ్రమ సమీపంలో గల ప్రభుత్వ మోడల్‌ స్కూల్‌ విద్యార్థుల సౌకర్యార్థం లయన్స్‌ క్లబ్‌ నందిపేట ఆధ్వర్యంలో నిర్మించ తలపెట్టిన బస్‌ షెల్టర్‌ నిర్మాణానికి శుక్రవారం మంగి రాములు మహారాజ్‌ భూమి పూజ చేశారు.
ఈ సందర్భంగా ఆయన మాట్లాడుతూ లయన్స్‌ క్లబ్‌ వలె ఇతర స్వచ్చంద సంస్థలు ముందుకు వచ్చి ఇలాంటి సేవా కార్యక్రమాలు చేపట్టాలని కోరారు. మానవ సేవ చేయడం ద్వార మాధవ సేవ చేసిన పుణ్యం వస్తుందన్నారు. మండలంలోని అన్ని పాఠశాలలకు దగ్గరలో దాతల సహకారంతో ఇలాంటి షెల్టర్‌లు నిర్మించాలని కోరారు. కార్యక్రమంలో ఎంఈఓ శ్రీనివాసరెడ్డి, మోడల్‌ స్కూల్‌ ప్రిన్సిపాల్‌ ఫిరోజ్‌ సైదార్‌, లయన్స్‌ క్లబ్‌ సభ్యులు సురేష్‌, గోపి, సాయిరెడ్డి, నాయకులు ఎస్‌జి తిరుపతి తదితరులు పాల్గొన్నారు.
