బాధిత కుటుంబాలకు టార్పాలిన్ల పంపిణీ

కామారెడ్డి, జూలై 14

నిజామాబాద్‌ న్యూస్‌ డాట్‌ ఇన్‌ : జిల్లా రెడ్‌ క్రాస్‌ సొసైటీ ఆధ్వర్యంలో భారీ వర్షాల నేపథ్యంలో గృహాలు దెబ్బతిన్న బాధిత కుటుంబాలకు టార్పాలిన్‌ కవర్లను గురువారం పంపిణీ చేసినట్లు జిల్లా రెడ్‌ క్రాస్‌ సొసైటీ చైర్మన్‌ రాజన్న తెలిపారు. జిల్లాలోని వివిధ మండలాల్లో రెడ్‌ క్రాస్‌ సొసైటీ ఆధ్వర్యంలో తాసిల్దార్‌ సహకారంతో బాధితులకు టార్పాలిన్‌ కవర్లను పంపిణీ చేసినట్లు చెప్పారు.

రాష్ట్ర గవర్నర్‌, రాష్ట్ర అధ్యక్షురాలు 125 టార్పల్లిన్లను బాధితులకు పంపిణీ చేయడానికి ఇచ్చారని పేర్కొన్నారు. జిల్లా రెడ్‌ క్రాస్‌ అధ్యక్షుడు, జిల్లా కలెక్టర్‌ జితేష్‌ వి పాటిల్‌ 750 టార్పాలిన్‌లను పంపిణీ చేయడానికి రెడ్‌ క్రాస్‌ సొసైటీ ఇచ్చారని చేశారని పేర్కొన్నారు. తాసిల్దార్‌ సహకారంతో రెడ్‌ క్రాస్‌ సొసైటీ సభ్యులు గ్రామాల్లో గృహాలు కూలిపోయిన లబ్ధిదారులకు వాటిని పంపిణీ చేసినట్లు చెప్పారు. కార్యక్రమంలో జిల్లా వైస్‌ చైర్మన్‌ నాగరాజు గౌడ్‌, జిల్లా కార్యదర్శి రఘుకుమార్‌, ప్రతినిధులు శ్రీధర్‌, జమీల్‌ అహ్మద్‌ పాల్గొన్నారు.