హోరా హోరీగా జిల్లా స్థాయి చెస్‌ టోర్నమెంట్‌

నిజామాబాద్‌, జూలై 25

నిజామాబాద్‌ న్యూస్‌ డాట్‌ ఇన్‌ : నెహ్రూ యువ కేంద్ర ఆధ్వర్యంలో జిల్లా చెస్‌ అసోసియేషన్‌ సహకారంతో నిర్వహించిన జిల్లా స్థాయి చెస్‌ టోర్నమెంట్‌ హోరాహోరీగా ముగిసిందని జిల్లా యువజన అధికారిణి శైలి బెల్లాల్‌ తెలిపారు. ఉదయం 11 గంటలకు సుభాష్‌ నగర్‌ నెహ్రూ యువ కేంద్రలో జిల్లా యువజన అధికారిణి శైలి బెల్లాల్‌ చేతుల మీదుగా ప్రారంభమైన పోటీలు, సాయంత్రం 5గంటలకు ముగిసాయి.

జూనియర్‌, సీనియర్‌ రెండు విభాగాల్లో యువతీ యువకులు ఉత్సాహంగా పాల్గొనగా, జిల్లా నలుమూలల నుంచి విచ్చేసిన పోటీదారులు 5 రౌండ్లలో పోటీపడ్డారు. పోటీల్లో పాల్గొన్న క్రీడాకారులందరికీ ప్రశంసా పత్రాల్ని అందించారు. విజేతలుగా నిలిచిన వారికి నిజామాబాద్‌ అర్బన్‌ ఎంఎల్‌ఏ చేతుల మీదుగా బహుమతులు అందించడం జరుగుతుందన్నారు.

విజేతలు వీరే
సీనియర్‌ ప్రథమ – వి.నిఖిల్‌
సీనియర్‌ ద్వితీయ – ఎం. సుధీర్‌
జూనియర్‌ ప్రథమ – శివచరన్‌
జూనియర్‌ ద్వితీయ – కె. మనీష్‌
కార్యక్రమంలో చెస్‌ అసోసియేషన్‌ జిల్లా కార్యదర్శి రమేష్‌, సీనియర్‌ చెస్‌ క్రీడాకారులు బ్రహ్మానందం, యశ్వంత్‌, గిరిరాజ్‌ కళాశాల వ్యాయామ అధ్యాపకురాలు బాలమణి, నెహ్రూ యువ కేంద్ర వాలంటీర్లు పాల్గొన్నారు.