Telangana Live Telangana Live News and Views 24X7
డిచ్‌పల్లి, జూలై 29
నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని అన్ని అనుబంధ కళాశాలలో డిగ్రీ కోర్సుల్లో ప్రవేశాల కోసం దోస్త్‌ స్పెషల్‌ కేటగిరి అడ్మిషన్స్‌ల సర్టిఫికేట్‌ వేరిఫికేషన్‌ నిర్వహిస్తున్న నేపథ్యంలో శుక్రవారం మొత్తం 13 మంది హాజరైనట్లు దోస్త్‌ కో – ఆర్డినేటర్‌ డా. కె. సంపత్‌ కుమార్‌ తెలిపారు.
శుక్రవారం నేషనల్‌ సర్వీస్‌ క్యాడెట్‌ (ఎన్‌సిసి) 11 మంది అర్హత కలిగిన అభ్యర్థులు, భౌతిక వికలాంగుల కోటాలో ఇంకా ఇద్దరు అర్హత కలిగిన అభ్యర్థులు దోస్త్‌ స్పెషల్‌ కేటగిరి అడ్మిషన్స్‌ కోసం సర్టిఫికేట్‌ వేరిఫికేషన్‌కు హాజరైనట్లు ఆయన పేర్కొన్నారు. ఎక్స్ట్రా కరిక్యులం ఆక్టివిటీస్‌ కోటాలో ఎవరు హాజరు కాలేదన్నారు.
సర్టిఫికేట్‌ వేరిఫికేషన్‌లో దోస్త్‌ కో – ఆర్డినేటర్‌ డా. కె. సంపత్‌ కుమార్‌తో పాటుగా, కామారెడ్డి ప్రభుత్వ కళాశాల ఎన్‌సిసి ఆఫీసర్‌ డా. రామస్వామి తదితరులు పాల్గొన్నారు.
