రెండవ రోజు ఇంటర్‌ సప్లిమెంటరీ పరీక్షలు ప్రశాంతం

నిజామాబాద్‌, ఆగష్టు 2

నిజామాబాద్‌ న్యూస్‌ డాట్‌ ఇన్‌ : ఇంటర్మీడియట్‌ అడ్వాన్స్‌ సప్లిమెంటరీ పరీక్షలు మంగళవారం రెండవ రోజు ఉదయం, మధ్యాహ్నం ఇంగ్లీషు సబ్జెక్టు పరీక్షలు ప్రశాంతంగా జరిగాయి. జిల్లా ఇంటర్‌ విద్య అధికారి రఘురాజ్‌ నిజామాబాద్‌ పట్టణంలోని నాగారం మైనారిటీ రెసిడెన్షియల్‌ జూనియర్‌ కళాశాలను, విశ్వశాంతి జూనియర్‌ కళాశాలను, కాకతీయ జూనియర్‌ కళాశాలలను తనిఖీ చేసి సమీక్షించారు.

అలాగే మధ్యాహ్నం నిజామాబాద్‌ బాలుర జూనియర్‌ కళాశాల (ఖిల్లా), కాకతీయ కళాశాలలను తనిఖీ చేసి సమీక్షించారు. ఉదయం మొదటి సంవత్సరం ఇంగ్లీష్‌ పరీక్షకు మొత్తం 4,175 మంది విద్యార్థులకు గాను 3,806 మంది విద్యార్థులు హాజరుకాగా 369 మంది విద్యార్థులు గైర్‌ హాజర్‌ అయ్యారు. జిల్లా పరీక్షల నిర్వహణ కమిటీ సభ్యులు డాక్టర్‌ చిరంజీవి, కనకమహాలక్ష్మి 10 పరీక్ష కేంద్రాలను, ఫ్లయింగ్‌ స్క్వాడ్‌ సిట్టింగ్‌ స్క్వాడ్‌ బృందాలు 14 పరీక్ష కేంద్రాలను, జిల్లా ఇంటర్‌ విద్యా అధికారి నాలుగు పరీక్ష కేంద్రాలను ఉదయం తనిఖీ చేశారు.

మధ్యాహ్నం మొత్తం 940 మంది విద్యార్థులకు గాను 803 మంది విద్యార్థులు హాజరుకాగా 137 మంది విద్యార్థులు గైరహాజర్‌ అయ్యారు. జిల్లా ఇంటర్‌ విద్య అధికారి నాలుగు పరీక్ష కేంద్రాలను, జిల్లా పరీక్షల నిర్వహణ కమిటీ సభ్యులు నాలుగు పరీక్ష కేంద్రాలను, సిట్టింగ్‌ , ఫ్లయింగ్‌ స్క్వాడ్‌ బృందాలు 14 పరీక్ష కేంద్రాలను తనిఖీ చేసి సమీక్షించారు.