రక్తదానానికి ముందుకు రావడం అభినందనీయం

కామారెడ్డి, ఆగష్టు 6

నిజామాబాద్‌ న్యూస్‌ డాట్‌ ఇన్‌ : కామారెడ్డి జిల్లా కేంద్రంలోని వీటి ఠాకూర్‌ రక్త నిధి కేంద్రంలో శనివారం పట్టణ కేంద్రానికి చెందిన సంతోష్‌ కుమార్‌ రక్తదానం చేయడం జరిగిందని ఐవిఎఫ్‌, రెడ్‌ క్రాస్‌ జిల్లా సమన్వయకర్త బాలు పేర్కొన్నారు.

ఈ సందర్భంగా బాలు మాట్లాడుతూ రక్తదానానికి ముందుకు రావడం అభినందనీయమని ప్రస్తుత తరుణంలో రక్తనిధి కేంద్రాలలో రక్త నిల్వలు లేకపోవడంతో గర్భిణీ స్త్రీలు, వివిధ రకాల ఆపరేషన్ల నిమిత్తమై మరియు రక్తహీనతతో బాధపడేవారు సకాలంలో రక్తం దొరకక ఇబ్బందులకు గురవుతున్నారని అన్నారు. రక్తదాత సంతోష్‌ను అభినందించారు. రక్తదానం చేయాలనుకుంటే 9492874006 నెంబర్‌కి సంప్రదించాలన్నారు. కార్యక్రమంలో బ్లడ్‌ బ్యాంక్‌ సిబ్బంది చందన్‌, ఏసు గౌడ్‌ పాల్గొన్నారు.