రేపు టియును సందర్శించనున్న గవర్నర్‌

డిచ్‌పల్లి, ఆగష్టు 6

నిజామాబాద్‌ న్యూస్‌ డాట్‌ ఇన్‌ : తెలంగాణ రాష్ట్ర గౌరవ గవర్నర్‌ డా. తమిళిసై సౌందర రాజన్‌ ఆగస్ట్‌ 7 వ తేదీ ఆదివారం ఉదయం తెలంగాణ విశ్వవిద్యాలయాన్ని సందర్శించనున్నారని ఉపకులపతి ఆచార్య డి. రవీందర్‌ ఒక ప్రకటనలో తెలిపారు. ఇది వరకే విద్యార్థి నాయకులందరు గవర్నర్‌ని కలుసుకొని తెలంగాణలోని అన్ని విశ్వవిద్యాలయాలను సందర్శించాలని వారు కోరడం మేరకు ఆమె ఈ నిర్ణయం తీసుకున్నారు.

విశ్వవిద్యాలయాల పర్యటనలో భాగంగా శనివారం రాత్రి గవర్నర్‌ బాసరలోని ట్రిపుల్‌ ఐటి కళాశాలను సందర్శించి రాత్రి అక్కడే బస చేస్తారు. ఆదివారం ఉదయం తెలంగాణ విశ్వవిద్యాలయానికి విచ్చేసి విద్యార్థులు, పరిశోధకులు, అధ్యాపకులతో సంభాషిస్తారు. అనంతరం విద్యార్థులతో కలిసి సహ పంక్తి భోజనం చేస్తారు.