కళ్యాణలక్ష్మి, శాదీముబారక్‌ చెక్కుల పంపిణీ

ధర్పల్లి, ఆగష్టు 11

నిజామాబాద్‌ న్యూస్‌ డాట్‌ ఇన్‌ : ధర్పల్లి రైతు వేదికలో జడ్పిటిసి సభ్యుడు బాజిరెడ్డి జగన్‌ చేతుల మీదుగా లబ్ధిదారులకు కల్యాణ లక్ష్మి, శాదీముబారక్‌ చెక్కులను అందజేశారు.

ఈ సందర్భంగా బాజిరెడ్డి జగన్‌ మాట్లాడుతూ తెలంగాణ రాష్ట్ర ప్రభుత్వం బడుగు బలహీన వర్గాల ప్రజల కోసం అనేక సంక్షేమ పథకాలను ప్రవేశ పెట్టిందని గుర్తు చేశారు. ఎన్నికల ముందు కేసీఆర్‌ ఇచ్చిన అన్ని హామీలను నెర వేర్చారని అన్నారు. ఆసరా ఫింఛన్‌ , రైతుల కోసం రైతు బంధు, రైతు భీమా, 24 గంటలు ఉచిత కరెంట్‌, పేదల కోసం షాదీ ముబారక్‌, కళ్యాణ లక్ష్మి వంటి అనేక పథకాలను అర్హులైన ప్రజలు ఆస్వాదిస్తున్నారని పేర్కొన్నారు.

కార్యక్రమంలో ఎంపీపీ నల్లసారిక, ఎంపీడీవో నటరాజ్‌, గ్రామ సర్పంచ్‌ పెద్ద బాల్‌రాజ్‌, వివిధ గ్రామాలకు చెందిన సర్పంచులు, ఎంపీటీసీలు పాల్గొన్నారు.