జిల్లా ప్రజలకు రక్షా బంధన్‌ శుభాకాంక్షలు

నిజామాబాద్‌, ఆగష్టు 11

నిజామాబాద్‌ న్యూస్‌ డాట్‌ ఇన్‌ : సహోదర భావానికి ప్రతీక అయిన రక్షా బంధన్‌ (రాఖీ పండుగ) పర్వదినాన్ని పురస్కరించుకుని జిల్లా ప్రజలకు రాష్ట్ర రోడ్లు – భవనాల శాఖా మంత్రి వేముల ప్రశాంత్‌ రెడ్డి, జిల్లా కలెక్టర్‌ సి.నారాయణరెడ్డి శుభాకాంక్షలు తెలిపారు. తమ సోదరీమణులకు ఏ ఆపద రాకుండా ఎల్లవేళలా అండగా నిలబడతామని సోదరులు భరోసాను అందించడం, అక్కా, చెల్లెళ్ళ రక్ష తమ గురుతర బాధ్యత అనే కర్తవ్యాన్ని రక్షాబంధన్‌ గుర్తు చేస్తుందన్నారు.

సోదరభావంతో, ప్రేమానురాగాలతో ప్రతి సంవత్సరం శ్రావణమాసం పౌర్ణమి నాడు రాఖీలు కట్టుకుంటూ జరుపుకునే ఈ వేడుక భారతీయ సంస్కృతీ, సాంప్రదాయాల్లో అనాది నుంచి కొనసాగుతున్న గొప్ప ఆచారమని పేర్కొన్నారు. దేశానికి స్వాతంత్య్రం సిద్దించి 75 వసంతాలు పూర్తి చేసుకున్న ప్రస్తుత శుభ తరుణంలో రక్షాబంధన్‌ వేడుకలు రావడం శుభ పరిణామం. వజ్రోత్సవ వేడుకల్లో భాగంగా నిర్వహిస్తున్న రక్షా బంధన్‌ వేడుకల్లో జిల్లా ప్రజలందరూ భాగస్వాములై జాతీయ స్ఫూర్తిని చాటాలని, రాఖీ పౌర్ణమి వేడుక ప్రజల నడుమ సహోదర భావాన్ని మరింతగా పెంపొందించాలని ఆకాంక్షించారు.