Telangana Live Telangana Live News and Views 24X7
కామారెడ్డి, ఆగష్టు 18
నిజామాబాద్‌ న్యూస్‌ డాట్‌ ఇన్‌ : క్రీడలు ఆరోగ్య పరిరక్షణకు దోహదపడతాయని జిల్లా కలెక్టర్‌ జితేష్‌ వి పాటిల్‌ అన్నారు. కళాభారతిలో స్వతంత్ర భారత వజ్రోత్సవాల సందర్భంగా జిల్లా స్థాయి క్రీడా పోటీల్లో గెలుపొందిన విజేతలకు బహుమతులను ప్రధానం చేసే కార్యక్రమానికి హాజరై మాట్లాడారు. క్రీడల వల్ల వివిధ గ్రామాల క్రీడాకారుల మధ్య స్నేహభావం పెరుగుతుందని సూచించారు.
ప్రభుత్వ విప్‌ గంప గోవర్ధన్‌తో కలిసి జిల్లా కలెక్టర్‌ జితేష్‌ వి పాటిల్‌ విజేతలకు బహుమతులను ప్రధానం చేశారు. కార్యక్రమంలో మున్సిపల్‌ చైర్‌ పర్సన్‌ జాహ్నవి, జిల్లా గ్రంధాలయ సంస్థ అధ్యక్షుడు రాజేశ్వరరావు, వైస్‌ చైర్మన్‌ ఇందు ప్రియ, డిపిఓ శ్రీనివాసరావు, డిఎల్‌పిఓ సాయిబాబా, మండల స్థాయి అధికారులు పాల్గొన్నారు. జిల్లా స్థాయి కప్పును సదాశివ నగర్‌ బాలికల జట్టు కైవసం చేసుకుంది.
