పిహెచ్‌డి నోటిఫికేషన్‌ విడుదల

డిచ్‌పల్లి, ఆగష్టు 19

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని ఫ్యాకల్టీ ఆఫ్‌ ఆర్ట్స్‌ లో ఇది వరకు పిహెచ్‌. డి. పరిశోధన కోసం క్యాటగిరి – 2 నోటిఫికేషన్‌ను డీన్‌ ఆచార్య పి. కనకయ్య విడుదల చేశారు. కాగా తాజాగా శుక్రవారం ఉదయం పిహెచ్‌.డి. క్యాటగిరి – 2 నోటిఫికేషన్‌ను కూడా విడుదల చేశారు.

ఈ సందర్భంగా ఆయన మాట్లాడుతూ… ఫ్యాకల్టీ ఆఫ్‌ ఆర్ట్స్‌ల్లో గల తెలుగు, ఆంగ్లం, హిందీ, ఉర్దూ సబ్జెక్టుల్లో క్యాటగిరి – 2 కి చెందిన నెట్‌, స్లెట్‌ / సెట్‌, ఎం.ఫిల్‌.లలో ఉత్తీర్ణులైన అభ్యర్థుల నుంచి మాత్రమే పిహెచ్‌. డి. పరిశోధన చేయడానికి దరఖాస్తులు కోరుతున్నామన్నారు. చివరి తేది సెప్టెంబర్‌ 17 తేదీ వరకు రూ. 1100 ఫీజుతో దరఖాస్తు ఫారాన్ని పూర్తి చేసి ఆర్ట్స్‌ డీన్‌ కార్యాలయంలో సమర్పించాలని ఆయన కోరారు. తదితర పూర్తి వివరాలకు యూనివర్సిటీ వెబ్‌ సైట్‌ సందర్శించాలన్నారు.