29 నుంచి సాంస్కృతిక కార్యక్రమాల పోటీలు

డిచ్‌పల్లి, ఆగష్టు 24

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలో సెప్టెంబర్‌ 6 వ తేదీన వార్షికోత్సవం నిర్వహించబడుతున్న నేపథ్యంలో వివిధ సాంస్కృతిక కార్యక్రమాల పోటీలను ఈ నెల 29 నుంచి సెప్టెంబర్‌ 3 వ తేదీ వరకు ప్రతి రోజు మధ్యాహ్నం 12 గంటల నుంచి సాంస్కృతిక పోటీలు నిర్వహించనున్నట్లు ఉపకులపతి ఆచార్య డి. రవీందర్‌ పేర్కొన్నారు. వ్యాస రచన, వక్తృత్వం, చిత్రలేఖనం, రంగోళి, క్విజ్‌, పాటలు, నృత్యాలలో పోటీలు నిర్వహిస్తున్నామని అన్నారు.

కావున ఈ సాంస్కృతిక పోటీల్లో విశ్వవిద్యాలయ విద్యార్థులు అధిక సంఖ్యలో పాల్గొని అభిరుచి కలిగిన ఆయా కళలలో సృజనాత్మక సామర్థ్యానికి మెరుగులు పెట్టుకోవాలని ఆయన కోరారు.