పిహెచ్‌. డి. నోటిఫికేషన్‌ విడుదల

డిచ్‌ప‌ల్లి, ఆగష్టు 27

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని ఫ్యాకల్టీ ఆఫ్‌ బిజినెస్‌ మేనేజ్‌ మెంట్‌ లో డీన్‌ ఆచార్య కైసర్‌ మహ్మద్‌ శనివారం ఉదయం పిహెచ్‌. డి. పరిశోధన కోసం క్యాటగిరి – 1, క్యాటగిరి – 2 నోటిఫికేషన్‌ విడుదల చేశారు.

ఈ సందర్భంగా ఆమె మాట్లాడుతూ… బిజినెస్‌ మేనేజ్‌ మెంట్‌ విభాగంలో క్యాటగిరి – 1 కి చెందిన యూజీసీ జెఆర్‌ఎఫ్‌ మరియు ఏదైనా నేషనల్‌ సంస్థ నుంచి ఫెలోషిప్‌ కు అర్హులైన అభ్యర్థులు, క్యాటగిరి – 2 కి చెందిన నెట్‌ మరియు స్లెట్‌ / సెట్‌ ఉత్తీర్ణులైన అభ్యర్థుల నుంచి మాత్రమే పిహెచ్‌. డి. పరిశోధన చేయడానికి దరఖాస్తులు కోరుతున్నామన్నారు.

చివరి తేది సెప్టెంబర్‌ 12 వ తేదీ వరకు వెయ్యి రూపాయల ఫీజుతో దరఖాస్తు ఫారాన్ని పూర్తి చేసి బిజినెస్‌ మేనేజ్‌ మెంట్‌ డీన్‌ కార్యాలయంలో సమర్పించాలని ఆమె కోరారు. తదితర పూర్తి వివరాలకు యూనివర్సిటీ వెబ్‌ సైట్‌ సందర్శించాలన్నారు.